کابل ته د مالیزیا د لومړي وزیر د استازې ډاکتر شاهزلینا په مشرۍ راغلي پلاوي د بهرنیو چارو له سرپرست وزیر محترم مولوي امیرخان متقي صاحب سره په لیدنه کې ویلي، چې مالیزیا غواړي له اسلامي امارت سره خپلې اړیکي لا پراخې کړي. د مالیزیا د لومړي وزیر استازې په دغې لیدنه کې ویلي، چې مالیزیا غواړي په بېلا بېلو برخو کې د افغان دیپلوماتانو او ملکي کارکوونکو لپاره لنډ مهاله روزنیز پروګرامونه جوړ کړي. نوموړې زیاته کړې، چې نږدې وخت کې به د مالیزیا یو سوادګریز پلاوی هم افغانستان ته سفر وکړي.
ورته مهال محترم متقي صاحب په دغې لیدنه کې د افغانستان او مالیزیا اړیکې د پراختیا په حال کې بللې او د مالیزیا له حکومت څخه یې غوښتي، چې مالیزیا میشتو افغانانو لپاره دې د روغتیا او زده کړو اسانتیاوې برابرې کړي.
